21 мая'26
Не проста «дэталь», а кропка апоры
Будоўля — гэта заўсёды пра сувязі. Сцены звязваюць цэглу, дарогі — гарады, а агульная справа — людзей. У нашай рубрыцы мы шукаем тыя дэталі, на якіх трымаецца штодзённасць. І часам гэтыя дэталі важаць тоны, а іх якасць вызначае, наколькі ўпэўнена і спакойна мы будзем адчуваць сябе ў дарозе.
Нядаўна ААТ «Спецжалезабетон» атрымала дыплом «Лепшыя тавары Беларусі» 2025 года. Узнагародзілі іх за брус для чыгуначных стрэлак. Здавалася б, ну брус і брус, ляжыць сабе пад рэйкамі. Але менавіта тут пачынаецца тая самая «жалезабетонная» адказнасць.
Стрэлачны перавод — адно з самых напружаных месцаў на чыгунцы. Калі раней тут магло ляжаць дрэва, то сённяшнія хуткасці і вага цягнікоў патрабуюць іншага характару — жалезабетоннага. Мікашэвіцкія брусы (праекты 2215 і 2769) — гэта якраз пра характар.
Выкарыстанне бетону класа B40 і напружанай арматуры дазваляе брусу не проста ляжаць пад рэйкамі, а эфектыўна размяркоўваць ціск на баластную падушку. Гэта зніжае знос усяго палатна.
Марка марозаўстойлівасці F200 гарантуе: ні вільгаць, ні тэмпературныя арэлі нашых шырот не разбураць маналіт.
Больш за 90 % бруса, які вырабляюць на ААТ «Спецжалезабетон», ідзе на экспарт. Сур’ёзны паказчык: замежныя кліенты лічаць грошы вельмі добра і абіраюць беларускае, бо яно надзейнае.
Ад кожнага метра дарогі, ад кожнага пакладзенага бруса залежыць трываласць усяго нашага агульнага дома.
Ганна ЖЫЛКА,
фота прадстаўлена ААТ «Спецжалезабетон»
На указанный в форме e-mail придет запрос на подтверждение регистрации.
mikabet.by
